Բազառ-Բլոտը ֆրանսիական Բելոտ խաղի հայկական տարբերակն է։ Խաղում են 4 հոգով՝ 2-ական թիմով, խաղընկերները նստած են դեմ դիմաց, 32 խաղաքարտով։ Ստորև՝ խաղի հիմունքները, հիմնական տերմինները և միավորների հաշվարկը։
Խաղում են 4 խաղացող՝ բաժանված 2 թիմի (երկու-երկու), խաղընկերները նստած են դեմ դիմաց։ Խաղը կազմված է մի շարք ռաունդներից. յուրաքանչյուր ռաունդի ավարտին թիմերի միավորները ամփոփվում են։ Առաջին թիմը, որ հասնում է սեղանի հայտարարած թիրախին (101, 151, 201 կամ 301 միավոր), հաղթում է։
Խաղում ենք 32 խաղաքարտով — 7-ից Տուզ (A) յուրաքանչյուր չորս մաստից (♠ ♥ ♦ ♣)։ Բաժանողը դեռ բազարից առաջ յուրաքանչյուր խաղացողի բաժանում է ընդամենը 8 խաղաքարտ։
Խաղաքարտերը բաժանելուց հետո խաղացողները հերթով ընտրում են կոզր կամ բաց թողնում՝ ասելով «Լավ եմ»։ Հայտարարությունը կատարվում է հետևյալ ձևով. «X հատ մաստ», որտեղ X-ը սկսվում է 8-ից, իսկ մաստը՝ սիրտ, խաչ, ղառ, քյափ կամ Բոյ (առանց կոզրի)։
Հայտարարությունը նշանակում է. «մեր թիմը կվաստակի ոչ պակաս, քան X × 10 միավոր»։ Օրինակ՝ «10 հատ սիրտ»՝ սիրտը կոզր է, թիրախը՝ 100 միավոր։
Ժաղացողը կարող է հայտարարել նաև «կապուտ»՝ պարտավորվելով վերցնել բոլոր 8 ձեռքերը։ Կապուտի հայտարարությունից հետո ամեն հաջորդ հայտարարություն պետք է լինի նույնպես կապուտ՝ ավելի բարձր թվով։
Հակառակորդ թիմը կարող է «քուանշել» հայտարարությունը՝ մեծացնելով պայմանագրի արժեքը։ Քուանշից հետո բազարն ավարտվում է՝ ուրիշ հայտարարություններ արգելված են, միայն բազարը վերցրած թիմն է կարող պատասխանել՝ «սրելով»։
Ամենաբարձր հայտարարությունը դառնում է պայմանագիրը, իսկ բազարը վերցրած թիմը պարտավոր է կատարել իր հայտարարածը։
Եթե բազարում հայտարարվել է միայն 4 «Լավ եմ», ապա այս ռաունդն ավարտվում է, և հաջորդ խաղացողը բաժանում է մյուս ռաունդի խաղաթղթերը։
Բաժանողի ձախ կողմի խաղացողն է առաջինը դնում խաղաքարտ։ Ամեն հաջորդ խաղացող պարտավոր է հետևել առաջին խաղաքարտի մաստին։
Ձեռքը վերցնում է ամենաուժեղ խաղաքարտը դրած խաղացողը՝ նույն մաստից կամ, եթե խաղարկվել է կոզր, ամենաբարձր կոզրը։ Ձեռքի վերցնողն է սկսում հաջորդը։
Խաղաքարտերի արժեքները տարբերվում են ըստ պայմանագրի տեսակի։ Մեկ ռաունդի ընդհանուր հասանելի միավորները՝ 152 + 10 = 162 (10-ը՝ վերջին ձեռքի բոնուսը):
| Խաղաքարտ | Կոզրում | Ոչ-կոզրում |
|---|---|---|
| J | 20 | 2 |
| 9 | 14 | 0 |
| A | 11 | 11 |
| 10 | 10 | 10 |
| K | 4 | 4 |
| Q | 3 | 3 |
| 8, 7 | 0 | 0 |
| Խաղաքարտ | Արժեք |
|---|---|
| A | 19 |
| 10 | 10 |
| K | 4 |
| Q | 3 |
| J | 2 |
| 9, 8, 7 | 0 |
Խաղաքարտերի որոշ հավաքածուներ բերում են լրացուցիչ միավորներ։ Խաղացողը հայտարարում է իր բոնուսը առաջին քայլից առաջ (ասում է՝ թե ինչ ունի՝ Թերզ, 50, 100, չորս թուղթ), իսկ ցուցադրում է՝ երկրորդ քայլից առաջ։ Եթե խաղացողը մոռանում է ցուցադրել, հակառակորդին հնարավորություն է տրվում հաջորդ քայլի ընթացքում ցուցադրել իր (նույնիսկ ավելի թույլ) բոնուսը՝ գերակշռելով։
| Խաղաքարտ | Կոզրով | Բոյով |
|---|---|---|
| J | 200 | 100 |
| 9 | 140 | 0 |
| A | 110 | 190 |
| 10, K, Q | 100 | 100 |
| 8, 7 | 0 | 0 |
Երբ երկու թիմերն էլ ունեն չորս թուղթ, հաղթում է այն, որի խաղաքարտն ավելի բարձր է հետևյալ կարգով.
Ցանկացած չորս թուղթ՝ ավելի ուժեղ է, քան «100» համադրությունը (5+ հաջորդական նույն մաստից), նույնիսկ երբ երկուսը արժեն 100 միավոր։
Երկու թիմերն էլ կարող են ունենալ համադրություններ, սակայն մրցում են միայն յուրաքանչյուր թիմից ամենաուժեղ համադրությունները. հաղթող թիմի հայտարարած բոլոր բոնուսները հաշվարկվում են, պարտվողինը՝ ոչ։ Առաջնահերթության կարգը.
Բլոտ-Ռեբլոտն այս կանոններից անկախ միշտ հաշվարկվում է։
Ռաունդի ավարտին թիմերի հավաքած խաղաքարտերի արժեքները գումարվում են և բաժանվում 10-ի՝ ստանալով յուրաքանչյուր թիմի ձեռքի միավորները։ Բոնուս համադրությունների միավորները նույնպես ավելացվում են իրենց հայտարարած թիմին։ Բազմապատկիչները բացատրվում են ներքևում քուանշի/սուրի հայտարարմամբ և պայմանագրի տեսակով։
| Պայմանագիր | Առանց քուանշի | Քուանշով | Սուրով |
|---|---|---|---|
| Կոզրով | × 1 | × 2 | × 4 |
| Բոյով | × 2 | × 3 | × 5 |
Կապուտ — բազարը վերցրած թիմը վերցնում է բոլոր 8 ձեռքերը։ Բազային 16-ի փոխարեն շնորհվում է 25 (այսինքն՝ +90 միավոր բոնուս)։
Թարս կապուտ — բազարը վերցրած թիմը վերցնում է 0 ձեռք։ Ռաունդը հաշվարկվում է որպես ձախողած պայմանագիր, բայց ամենակարևորը՝ թարս կապուտ եղած թիմն ավտոմատ պարտվում է խաղը՝ անկախ ընթացիկ միավորներից։
Խաղն ավարտվում է, երբ մի թիմը հասնում է սեղանի հայտարարած թիրախին՝ 101, 151, 201 կամ 301 միավոր։
Բացառություն է թարս կապուտը. այդ դեպքում խաղն ավարտվում է անմիջապես՝ անկախ ընթացիկ միավորներից, և թարս կապուտ եղած թիմն ավտոմատ պարտվում է։
Առաջատար թիմը չի կարող շահել խաղը՝ ձախողելով վերջին ռաունդը։ Եթե թիրախին հասած թիմը վերցնում է բազարը և չի կատարում իր հայտարարածը, այդ ռաունդը ինքնին չի ավարտում խաղը։ Ռաունդից հետո՝ եթե հակառակորդ թիմն ավելի բարձր միավոր է հավաքել, հենց նա է հաղթում խաղը. հակառակ դեպքում խաղը շարունակվում է։
Կապուտով խաղը չի ավարտվում, բացառությամբ երբ կապուտը քուանշված էր և հաջողությամբ կատարված։
